Blog

Madonnna lift: lazeri që të bën fringo

Madonnna lift: lazeri që të bën fringo

Mjekët estetistë zbulojnë sekretet e trajtimit inovativ që bën rockstari i njohur. Falë këtij trajtimi fitohet një vështrim më i ri dhe zona rreth syve pa rrudha dhe kjo pa nevojën e bisturisë!
Sytë nuk janë vetëm pasqyrë e shpirtit; më shumë se çdo gjë tjetër e fytyrës tregojnë shenjat e kohës që ikën. Ja përse janë gjithnjë e më të kërkuara trajtimet e mjeksisë estetike që synojnë zonën rreth syve, një zgjidhje inovative që zëvendëson lifting dhe bisturinë për rezultate që zgjasin por më natyrale. Një nga këto metoda është Madonna lift, një teknikë që lejon rinimin e zonës rreth syve duke ngritur qepallat dhe duke sheshuar rrudhat dhe e gjitha kjo në kushtet komode të një trajtimi ambulator.
Por si funksionon Madonna lift? Ky trajtim bëhet nëpërmjet lazerit CO2 fraksel dhe garanton rinimin e zonës rreth syve. Energjia që emetohet nga rrezet lazer krijon një seri mikrospotesh të cilat shkaktojnë një reaksion të menjëhershëm në kontraktimin e kolagenit i cili nga ana e tij provokon një tension në inde.


› Si realizohet seanca?
Pacienti shtrihet në shtrat dhe i aplikohet kremi anestetik si dhe mbrohen sytë me një dispozitiv metalik. Pasi hiqet anestetiku proçedohet me trajtimin, pra me kalimin e lazerit në të gjithë zonën rreth syve. Seanca zgjat 15 minuta dhe trajtimi është pa dhimbje. E vetmja gjë që ndjen pacienti është nxehtësia e cila është tërësisht e përballueshme dhe që ndjehet deri në 30 minuta pas trajtimit.

› Sa seanca nevojiten?
Pas një muaji pas trajtimit fillojnë të duket efektet e lifting në zonën rreth syve, rrudhat janë shtrirë dhe komplet zona duket e rinuar. Duket sikur sytë janë hapur më shumë dhe vështrimi është më i bukur. Për të marrë rezultate që zgjasin deri në dy vjet këshillohen nga 1 deri në 4 seanca në distancë një muaj njëri nga tjetri. Të gjithë atyre që iu nevojitet që të ngrejnë qepallën lart, të reduktojnë lëkurën e tepërt si dhe rrudhat anash syrit, iu këshillohet metoda e trajtimit e quajtur Madonna Lift