Zmadhimi i gjoksit – Mastoplastika

Zmadhimi i gjoksit – Mastoplastika

Gjoksi është simbol feminiliteti. Shumë femra janë të pakënaqura me formën dhe përmasat e gjoksit të tyre. Një gjoks shumë i vogël, i butë apo i varur ka një impakt të fortë negativ në psikologjinë e femrës, ul vetëvlerësimin duke ndikuar drejtpërdrejtë në performancën e jetës së përditshme dhe në marrëdhëniet në cift. Një gjoks i mbushur dhe i tonifikuar forcon vetëdijen e të qënurit një grua e bukur. Mastoplastika është ndërhyrja që modifikon formën dhe përmasat e gjoksit nëpërmjet implantimit të protezave që rrisin volumin dhe përmirësojnë maksimalisht formën. Objektivi i kirurgëve të DERMOLIFE ® është: një gjoks i mbushur, i ngritur, mjaft natyral si në pamje ashtu edhe në prekje si dhe në harmoni të plotëme trupin tuaj. Protezat e gjoksit Allergan janë aktualisht marka më prestigjoze, ato më të pëlqyerat dhe më të besuarat. Ato përdoren për qellime estetike siç është rimodelimi i gjoksit të varur, por edhe për gjoks të boshatisur nga heqja e tumoreve ose mastectomia. Sot, pas më shumë se 50 vite kërkimesh dhe eksperiencë në operacionet e miliona femrave, ekziston siguria absolute e rezultatit të këtyre protezave të gjeneratës së fundit. Allergan është konform të gjitha rregullave dhe normativave në fuqi dhe materiali me të cilin prodhohen është kontrolluar edhe nga Direktivat Europiane, Rregullorja FDA dhe nga organizata botërore e standarteve ISO. Prodhimi i çdo proteze Allergan mund të kërkojë deri në 12 ditë, gjatë të cilave ajo i nënshtrohet gati 100 testeve të kontrollit të cilësisë, ku në fund garantohet jo vetëm cilesia, por kjo cilësi vlerësohet edhe për jetëgjatësinë e saj. Standartet ruhen edhe në proçesin e ruajtjes dhe të transportit të produktit. Këto janë protezat që përdoren sot në Klinikën DERMOLIFE® , duke zgjedhur si gjithmonë cilësinë maksimale, sepse DERMOLIFE® JU GARANTON SHENDET DHE BUKURI.
Jetëgjatësia e protezës së gjoksit është e përjetshme, por me kalimin e kohës apo pas disa shtatëzanive mund të lindë një dëshirë e brendshme për ta rimodeluar gjoksin dhe natyrisht të ndryshoni protezën, por kjo mund të bëhet pas 10 ose 20 vjetësh. Duhet të theksojme se ka klientë që pas 30 vitesh janë të kënaqur nga ndërhyrja dhe nuk kanë bërë ndërhyrje tjetër. Eshtë provuar tashmë shkencërisht që,ndërhyrja në gjoks dhe vendosja e protezave nuk rrit rrezikun për tumore të gjirit, nuk ndryshon integritetin e gjëndrave të qumështit dhe mundësinë e ushqyerjes me gji të fëmijës.
Mjeshtëria e kirurgëve të DERMOLIFE® bazuar në dije të thelluara, eksperiencë shumëvjecare, teknika të fjalës së fundit në fushën e kirurgjisë estetike, kombinuar këto me ndjeshmërine e spikatur ndaj të bukurës, lejojnë kirurgët tanë të realizojnë Zmadhim të gjoksit me rezultate maksimale, që do të thotë gjoks i mbushur dhe natyral si në pamje edhe në prekje, në harmoni me trupin dhe dekolte që ju bën të ndiheni rrëzëllitëse si fizikisht ashtu edhe emocionalisht, sepse DERMOLIFE® JU GARANTON SHENDET DHE BUKURI.

Kirurgët estetikë të DERMOLIFE® ju këshillojnë zmadhimin e gjoksit në rastet kur keni:

► Gjoks të vogël.
► Humbje të volumit dhe tonifikimit pas humbjeve të mëdha në peshë.
► Gjoks me volum të ndryshëm njëri nga tjetri.
► Humbje të volumit e shoqëruar me strije në të gjithë gjoksin si pasojë e dobësimit. Shtatëzanisë, kequshqyerjes ose plakjes.

PROCEDURA

Zmadhimi i gjoksit është një ndërhyrje shumë e personalizuar dhe si e tillë kërkon një konsultë të specializuar mjaft të kujdesshme. Gjatë konsultës së parë kirurgu i DERMOLIFE® do të vlerësojë formën dhe përmasat e gjoksit dhe të areoles, tipologjinë e lëkurës dhe të gjëndrave mamare, distancën midis dy gjokseve, ndryshimet midis tyre si dhe raportin me trupin në tërësi. Kirurgu i DERMOLIFE® vlerëson gjithashtu gjëndjen tuaj shëndetësore, për të përjashtuar sëmundje të ndryshme, probleme të koagulimit të gjakut apo cikatrizim të lëkurës, të cilat mund të influencojnë rezultatet finale të ndërhyrjes. Në përfundim të konsultës pasi vlerëson edhe dëshirën dhe pritshmërinë tuaj, kirurgi i DERMOLIFE ® do të vendosë bashkë me ju llojin e protezës më të përshtatshme për rastin tuaj si dhe teknikën kirurgjikale më të mirë. Protezat mund të jenë rrethore ose me profil anatomik për një rezultat sa më natyral. Mund të jenë me siperfaqe të lëmuar ose me sipërfaqe të ashpër. Në rastin e parë sigurohet një gjoks mjaft natyral në prekje, ndërsa në rastin e dytë evitohen në maksimum kontrakturat kapsulare. Mjeshtëria e kirurgëve të DERMOLIFE® bazuar në dije të thelluara, eksperiencë shumëvjecare, teknika të fjalës së fundit në fushën e kirurgjisë estetike, kombinuar këto me ndjeshmërine e spikatur ndaj të bukurës, lejojnë kirurgët tanë të këshillojnë në cdo rast zgjedhjen më optimale për rezultate maksimale, sepse DERMOLIFE® JU GARANTON SHENDET DHE BUKURI. Para ndërhyrjes kirurgu ynë do ju japë instruksione precize rreth ushqyerjes para dhe pas operacionit, administrimit të medikamenteve si dhe konsumimit të alkoolit dhe duhanit. Duhet të kryeni paraprakisht edhe disa ekzaminime si një vizitë kardiologjike, një radiografi të mushkërive, ekografi e të dy gjinjve si dhe disa analiza standart të gjakut dhe urinës. Pasi të kemi përmbledhur të gjitha përgjigjet e këtyre ekzaminimeve, është radha e një konsulte me anestezistin e stafit tonë, për të vendosur mbi gjëndjen e përgjithshme shëndetësore dhe oportunitetin e kryerjes së ndërhyrjes estetike në fjalë.

Kur i nështrohesh një operacioni kirurgjikal një nga preokupimet më të zakonshme është anestezia. Zmadhimi i gjoksit mund të realizohet me anestezi gjenerale ose me anestezi lokale dhe sedacion. Në cdo rast stafi i DERMOLIFE® preferon të zgjedh, kur është e mundur, anestezinë lokale me sedacion dhe të shmang anestezinë gjenerale, duke garantuar një rekuperim të menjëhershëm të personit pas interventit krahasuar me anestezinë gjenerale. Anestezia lokale kryhet me disa injeksione të vogla në zonën e ndërhyrjes kirurgjikale duke siguruar mungesën e dhimbjes. Ndërsa sedacioni konsiston në injektimin endovenoz të medikamenteve që reduktojnë ankthin dhe provokojnë një gjëndje gjumi të lehtë ose disi më të thellë. Vlen të theksohet që në anestezinë lokale nuk përdoret intubimi duke mbajtur frymëmarrjen spontane të personit, duke shmangur përdorimin e aparaturave që garantojnë frymëmarrjen gjatë anestezisë gjenerale.

Në çdo rast Stafi i DERMOLIFE® ka si objektiv t’i garantojë personit një eksperiencë kirurgjikale të qetë dhe pa dhimbje. Operacioni realizohet duke ndjekur një protokoll preçiz që garanton cilësi dhe siguri maksimale, duke arritur rezultate të shkëlqyera e pa lënë shenja të dukshme. Ndërhyrja zgjat relativisht pak, 60-80 minuta. Kirurgët e DERMOLIFE® falë përvojës shumëvjecare preferojnë ta kryejnë ndërhyrjen e zmadhimit të gjoksit me një prerje të vetme rrethore përreth areoles duke bërë që shenjat të jenë të padukshme. Në raste të caktuara mund të kryhet me incizion poshtë palës së gjëndrës së gjoksit, ose me incizion në regjionin aksilar. Pozicionimi i protezave mund të bëhet poshtë gjendrave të gjoksit në rastet kur gjoksi ka mjaftueshëm ind gjëndëror. Kjo procedurë është më e lehtë teknikisht,lejon kontroll të plotë të formave dhe përmasave të gjirit, por ka disavantazhin e bërjes së dukshme të kufijve tëprotezës në rastin e një lëkure shumë të hollë. Vështirëson gjithashtu ekzaminim e mamografisë. Pozicionimi poshtë muskulit pektoral major (muskuli i gjoksit) i bën kufijtë e protezës të padukshëm, ul rrezikun e kontrakturës kapsulare dhe lehtëson kryerjen e mamografisë. Teknikisht është më e vështirë për tu kryer dhe kohëzgjatja e operacionit mund të jetë pak me e madhe. Pozicionimi Dual Plane ‘Plan i Dyfishtë’ është teknikë inovative që realizohet me sukses nga kirurgët e DERMOLIFE® dhe që konsiston në vendosjen e pjesës së sipërme të protezës nën muskulin e gjëndrës së gjoksit (ku lëkura është e hollë dhe rreziku i ndjeshmërisë së protezës është më i lartë) dhe pjesës së poshtme nën gjendër (për të zvogëluar rrezikun e spostimit lart të protezës). Pozicionimi i protezave nën muskulin pektoralit në përgjithësi lejon marrjen e një rezultati estetik më të mirë, më natyral dhe më jetëgjatë, duke reduktuar gjithashtu rrezikun e kontraktimit kapsular. Zmadhimi i gjoksit mund të kryhet vetëm ose në kombinim me teknika të tjera kirurgjikale, të tilla si mastopessi (lifting i gjoksit), abdominoplastika, liposukcioni ose ndërhyrje të tjera të kirurgjisë estetike.
Në cdo rast stafi yne i kirurgëve italianë ju garanton rezultate befasuese dhe ju do të ndiheni më të bukura se kurrë, sepse DERMOLIFE® JU GARANTON SHENDET DHE BUKURI.

Pas operacionit parashikohet të qëndroni një natë në klinikë. Mjekët kirurgë të DERMOLIFE® do t’ju asistojne deri në rekuperimin tuaj të plotë. Mjekimi i plagëve kryhet 2 – 5 ditë pas operacionit. Mund të shihet edemë e lehtë për 1-2 javë shoqëruar me pak dhembje kur lëvizni krahët, të menaxhueshme me administrimin e analgjezikeve. Heqja e suturave bëhet pas 7-14 ditësh. Këshillohet mbajtja e sytjenave specifike për ndërhyrjen për 1 muaj. Prej ditës së tretë mund të rifilloni një jetë normale por të shmangni aktivitetet e lodhshme. Tre javë pas operacionit ju do të rifilloni gradualisht të gjitha aktivitetet duke përfshirë edhe ushtrime fizike të lehta dhe pak më vonë atyre sportive. Mjekimet dhe vizitat e kontrollit me kirurgun estetik të DERMOLIFE® do të jenë gjithmonë falas.
Falë profesionalizmit të kirurgëve tanë, rezultatet e ndërhyrjes do të jenë: gjoks i bukur estetikisht, i mbushur dhe natyral si në pamje edhe në prekje, në harmoni të plotë me trupin tuaj. Ju do ndiheni rrëzëllitëse si fizikisht ashtu edhe emocionalisht, sepse DERMOLIFE® JU GARANTON SHENDET DHE BUKURI.