Cfarë është gastroskopia?

Cfarë është gastroskopia?



Gastroskopia apo endoskopia është një ekzaminim gjatë të cilit ekzaminohet trakti i sipërm tretës, me anë të një pajisje që quhet gastroskop. Tubi, i njohur si një endoskop, ka një dritë dhe kamerë në njërën anë, në mënyrë që mjeku të mund të inspektojë zonën dhe të kontrollojë për çdo simptomë të sëmundjes. Në disa raste, në gastroskop mund të bashkëngjiten instrumente të posaçëm për të marrë mostra të indeve (të quajtura biopsi) për t'u analizuar në një laborator. Instrumentet gjithashtu mund të bashkëngjiten në endoskop për të lejuar heqjen e p.sh. polipeve.

Kur është e nevojshme kryerja e gastroskopisë?



Gastroskopia mund të jetë e nevojshme për të kryhet në situatat e mëposhtme: kthimi i lëngjeve të stomakut në ezofag; djegie prapa dërrasës së kraharorit; dhimbje të pjesës së sipërme të barkut; të vjella të shpeshta; vështirësi në gëlltitje, etj.
Kjo për arsyen se situatat e lartpërmendura mund të konfirmojnë: refluksin gastro-ezofageal, ezofagitet, ulçerat duodenale dhe te stomakut, duodenitet (pezmatimet e duodenit), gastritet ( pezmatim i stomakut), kancer të stomakut apo të ezofagut. Si në rastin e cdo patologjie tjetër, diagnostimi i hershëm bën të mundur kurimin e patologjisë, dhe në rastin e kancerit edhe shpetimin e një jete.
Gastroskopia si procedurë mund të zgjasë rreth 15 minuta (përfshirë kohën e parapërgatitjes dhe sedacionit). Nuk është e dhimbshme, por mund të perceptohet si një ndjenjë parehatie më pas, sepse gjatë ekzaminimit fryhet stomaku me ajër që të shikohet sa më imtësisht.

Çfarë këshillash duhet të ndiqen para procedurës?



Së pari, stomaku duhet të jetë bosh, prandaj pacienti duhet të rrijë të paktën 8 orë pa ngrënë përpara ekzaminimit. Duke qënë se kryhet nën anestezi sedative, pra me qetësues lind nevoja që pacienti të jetë i shoqëruar. Gjithashtu, rekomandohet që një apo 2 ditë përpara procedurës të mos përdoren disa lloj medikamentesh si për shembull antikoagulantët (holluesit e gjakut).

Si tolerohet endoskopia nga ana e pacientit?



- Shumë pacientë janë të keqinformuar paraprakisht për ekzaminimin e gastroskopisë. E mendojnë si një procedurë të veshtirë dhe kështu që psikologjikisht (?) janë në dilemë për realizimin e saj.
- Në fakt është krejt e kundërta. Procedura është e lehtë, pa dhimbje dhe e padëmshme.
- Është një nga ekzaminimet bazë për të vendosur një diagnozë të sigurtë dhe për tu orientuar në trajtimin e mëtejshëm.
- Pas përfundimit të procedurës së endoskopisë, pacientët mund të largohen nga klinika për në shtëpi pas 30-60 minutash.
- Në qoftë se procedura është kryer me sedacion (qetësues), pacientit do i duhet të qëndrojë në klinikë më gjatë se koha e përshkruar më sipër.
- Pas largimit nga klinika, pacienti nuk mund të drejtojë makinën për 2 orë, nuk mund të punojë në makineri për 2 orë, nuk duhet të konsumojë alkool për 24 orë. Për tu larguar nga klinika, pacienti duhet të jetë i shoqëruar me dikë.

A duhet përsëritur gastroskopia?



Normalisht pas mjekimit duhet të bëhet një ekzaminim ri kontrolli për të rivlerësuar gjendjen.