Hernia Inguinale

Hernia Inguinale



Hernia përfaqëson daljen e organeve të brendshme, në rastin e hernies inguinale, të organeve të barkut apo organeve abdominale përmes një defekti të krijuar në murin e përparmë të barkut. Ky defekt, në rastin e hernies inguinale, ndodh në zonën e kanalit inguinal. Në qoftë se në organizmin tonë ka barriera anatomike, që janë muskuj apo kocka që ndalojnë lëvizjen apo daljen e organeve jashtë, në rastin e kanalit inguinal ka disa hapësira anatomike, të cilat me shtimin e presionit brenda abdomenit krijojnë mundësinë që organet e brendshme të godasin pikën më të dobët dhe të dalin në hapësira të tjera anatomike. Organet që lëvizin apo dalin janë zorrët e holla, indi dhjamor, ndaj edhe në popullatë njihet me termin dhjamët. Por, në fakt, problemi qëndron në daljen e organeve abdominale. Jo vetëm në daljen e tyre, por në situata të caktuara kanali nga dalin këto organe mund të shtrëngohet përsëri dhe të pengojë kthimin e tyre pas. Jo vetëm të pengojë kthimin e organeve brenda në hapësirë ku ato kanë qenë më përpara, por njëkohësisht duke shtrënguar dëmton edhe qarkullimin e gjakut të asaj pjese zorre që ka mbetur jashtë dhe në këtë mënyrë shkakton shkatërrimin e saj, duke e përkeqësuar situatën për të sëmurët.

Hernia inguinale është një nga sëmundjet më të zakonshme kirurgjikale. Sëmundje kirurgjikale konsiderohen ato të cilat si zgjidhje kanë kirurgjinë, pra që nuk kanë një mjekim alternativ dhe hernia është një ndër ato sëmundje, të cilat opsion kanë vetëm kirurgjinë.

Nga se shkaktohet hernia inguinale?
Disa hernie nuk kanë një shkak konkret. Disa të tjera mund të ndodhin si rezultat i:

* Presionit të rritur në abdomen
* Një dobësi pre-ekzistuese në murin abdominal
* Tension gjatë urinimit apo defekimit
* Aktivitete që ushtrojnë presion në murin abdominal
* Gravidanca
* Kolla apo teshtima kronike

Në shumë njerëz, dobësimet e murit abdominal të cilat shkojnë drejt hernies, ndodhin që në lindje teksa peritoneumi nuk mbyllet në mënyrë të përshtatshme. Hernie të tjera inguinale zhvillohen më vonë gjatë jetës dhe kjo vjen si pasojë e dobësimit të muskujve nga kalimi I moshës, aktivitet fizik që ushtron presion të vazhdueshëm në muskujt abdominalë dhe kolla që lidhet me duhanpirjen.

Dobësimi I muskulaturës mund të ndodhë gjithashtu vecanërisht pas një dëmtimi apo kirurgjie abdominale.

Simptomat

Shenjat dhe simptomat e hernies inguinale përfshijnë:

* Një fryrje në zonën anësore të kockës pubike, e cila bëhet më e dukshme kur ngriheni në këmbë, vecanërisht kur kolliteni.
* Një ndjesi djegieje tek fryrja
* Dhimbje ose discomfort, vecanërisht kur kolliteni ose ngrini pesha.
* Një ndjesi rëndimi në ijen tuaj
* Dobësi ose presion
* Dhimbje ose edemë skrotale kur intestine zbret në skrotum

Nëse nuk trajtohet në kohë hernia mund të inkancerohet, duke riskuar jetën tuaj.

Shenjat dhe simptomat të një hernie të inkanceruar

Nëse ju nuk jeni në gjëndje të shtyni hernien brenda kavitetit abdominal, përmbajtja e hernies mund të jetë inkanceruar në kavitetin abdominal. Një hernie e inkanceruar. Një henrie e inkanceruar mund të strangulohet duke ndërprerë qarkullimin e gjakut në atë zonë të indit. Hernia e stranguluar është jetë-kërcënuese nëse nuk trajtohet.

Simptomat përfshijnë:

* Nauzea, të vjella ose të dyja
* Temperaturë
* Dhimbje e papritur e cila mund ta rrisë shpejt intensitetin e vet
* Një hernie e cila shndërrohet në ngjyrë të kuqe, lejla ose më e errët
* Pamundësi e lëvizjes së zorrëve



Faktorët e riskut

Faktorët të cilët kontribuojnë në zhvillimin e një hernieje inguinale përfshijnë:

* Seksi Mashkull. Meshkujt kanë gjasa të zhvillojnë hernie inguinale 8herë më shumë se femrat.
* Mosha. Muskujt dobësohen me kalimin e moshës.
* Histori familjare. Në anamnezën familjare pacienti ka të afërm të cilët kanë zhvilluar hernie inguinale.
* Kolla kronike, si p.sh kolla nga duhanpirja
* Konstipacioni kronik. Konstipacioni kronik rrit tensionin e muskujve të abdomenit gjatë procesit të defekimit.
* Gravidanca (Shtatëzania). Shtatëzania mund të dobësojë muskujt abdominale dh të rrisë presionin intra-abdominal.
* Lindje pre-mature ose peshë e ulët në lindje.
* Hernie inguinale e mëparshme ose riparim i mëparshëm I hernies. Edhe nëse hernia juaj ka ndodhur në fëmijëri, jeni më të riskuar për të zhvilluar një tjetër hernie inguinale.

Komplikacionet e një hernie inguinale

Komplikacionet përfshijnë:

Presion në indet rrethuese. Shumica e hernieve inguinale zmadhohen me kalimin e kohës nëse nuk trajtohen kirurgjikalisht. Në meshkuj, herniet e mëdha mund të zgjaten deri në skrotum duke shkaktuar dhimbje dhe edemë.
Hernie e inkanceruar. Nëse përmbajtja e hernies bllokohet brenda murit abdominal, ajo mund të shkaktojë obstruksion të zorrës duke shkaktuar kështu dhimbje të fortë, nauzea, të vjella dhe pamundësi për të lëvizur zorrët ose për të kaluar gazrat.
Strangulacion. Një hernie e inkanceruar mund të ndërpresë qarkullimin e gjakut nga intestine. Strangulacioni und të shpjerë në nekrozë të zorrës. Një hernie e inkanceruar është jetë kërcënuese dhe kërkon kirurgji të menjëhershme.

Trajtimi

Trajtimi i Hernies inguinale është vetëm kirurgjikal.

Kjo patologji beninje mund të trajtohet në ditët e sotme me disa teknika kirurgjikale që kanë evoluar me kalimin e kohës. Është e domosdoshme:

* Heqje e qeses herniare
* Rikompaktifikimi i planeve muskulore duke i kthyer në pozicionin origjinal
* Forcim i murit të barkut me mesha polipropileni


Teknika Trabucco

Teknika Trabucco e ideuar nga amerikani me origjinë italiane Ermanno Trabucco ka kontribuar në evolucion e riparimit të kësaj patologjie duke futur konceptin e suture-less pra heqjes së qepjeve të meshës. Për këte përdoret një meshë polipropileni memory-form që mbyll difektin.