Njollat e lëkurës janë shenja me ngyra të ndryshme nga ajo normale e lëkurës. Këto njolla quhen hiperpigmentacione dhe karakterizohen nga një prezencë e madhe melanine në një hapësirë të vogël të lëkurës.
Cilat janë shkaqet
Një përqëndrim i madh i melaninës vjen nga disa faktorë: me avancimin e moshës pigmentimi i lëkurës tenton të bëhet gjithnjë e më i parregullt. Fillojnë të duken njolla të cilat më së shumti shfaqen në shpinë e dorës dhe në fytyrë. Kjo mund të vijë nga ndryshimi hormonal, nga terapitë hormonale të menopauzës etj. Të tjera arsye janë shtatzanitë, ekspozimi në diell pa kriter etj.

Deri më sot janë përdorur disa metoda për eleminimin e këtyre inestetizmave si peeling kimikë, crioterapi dhe dermoabrazon.
-Peelingu kimik: Kjo është një metodë e përshpejtuar rrjepjeje e lëkurës e cila bëhet nëpërmjet substancave kimike me veprim gërryes që përshpejton esfolimin fiziologjik të lëkurës. Efektet e peelingut janë: rinimi i shtresave më supërfaqësore dhe stimulimi i prodhimit të kolagenit të ri. Peelingët klasifikohen në bazë të aftësisë së saj për të penetruar në lëkurë, pra me thellësinë e veprimit që ata kryejnë. Metodat janë sipërfaqësore, të mesme dhe të thella. Niveli i thellësisë varet nga lloji i substancës, përqëndrimi i saj dhe koha e aplikimit. Sa më thellë të shkojë produkti, aq më evident do të jetë rezultati.
-Acidet e përdorura janë: alfaidrossiacid ku më i njohuri është ai glikolik me acid të produkteve që gjenden në natyrë si mollë, agrume, rrush,panxhar sheqeri etj. Trajtimi me këtë acid gjallëron lëkurën duke e stimuluar dhe komplikacionet e këtij trajtimi janë zero.
-Acidi salicilik: përdoret për peeling sipërfaqsor dhe ka 25 % alkool.
-Tricloroacetico: ky është një kristal që vjen nga acidi acetik dhe që tretet në ujë. Reagon duke bërë largimin total të epidermës në shtresën e saj sipërfaqësore. TCA ka një avantazh sepse krijon një esfolim të mesëm- të thellë pa patur nevojë të përdoret një metodë toksike. Kjo metodë nuk krijon alergji, ndërsa para trajtimit lëkura përgatitet dy javë përpara me trajtime shtëpiake më bazë kremrat esfoliantë etj.
-Fenolo: Ky është një peeling i thellë i cili bëhet me një përzierje kaustike me bazë fenoli.
-Dermoabrazioni: Ky është një trajtim që përmirëson parregullsitë e lëkurës duke eleminuar shtresat më sipërfaqësore të lëkurës dhe duke i dhënë një pamje më të shtrirë dhe të rregullt. Me dermoabrazion është e mundur që të korrigjohen edhe shenjat si dhe rrudhat sipërfaqësore të fytyrës dhe rrotull buzëve, si dhe duke përmirësuar shenjat që lënë aknet.
Sot hiperpegmentimi mund të zhduket me efiçencë me teorinë moderne të lazerit. Lazeri është krijuar për të emetuar disa valë të cilat në mënyrë selektive absorbojnë pigmentin melanik. Melanina e koncentruar fragmentohet dhe largohet nga sistemi ynë linfatik. Njollat të trajtuara me disa seksione shkatërrohen në mënyrë progresive duke e lënë epidermën me ngjyrë uniforme.

Përse duhet të zgjedh lazerin dhe jo mënyrat tradicionale për të eleminuar njollat?
Lazeri përdoret për këto inestetizma, pasi ka një efikasitet më të lartë dhe më të shpejtë në krahasim me sistemin tradicional që ka të bëjë me peelingun apo dermoabrazionin. Përveç kësaj lazeri nuk ka asnjë efekt anësor.
Çfarë ndodh gjatë dhe pas trajtimit? Lazeri prodhon një ndjesi nxehtësie e cila zgjat nga 15-20 minuta, e shoqëruar me një skuqje e cila zhduket vetëm pak ditë pas trajtimit. Pas trajtimit me lazer aplikohet një krem antibiotik për disa ditë, e shoqëruar me një mbrojtje nga dielli.
Cilat janë përqindjet e suksesit për eleminimin e njollave të lëkurës?
Ndërsa kohë më parë heqja e këtyre njollave dhe shenjave ishte e rrezikshme dhe e komplikuar, dhe mund të linte edhe shenja, sot lazerterapia jep rezultate ekselente. Gjithsesi duhet të kujtojmë që njollat mund të rikrijohen nëse nuk i kushtohet vemendja e duhur, sidomos kur bëhet fjalë për ekspozimi në diell.