Injeksionet me acid ialuronik

1) ÇFARË ËSHTË ?

Acidi ialuronik është një përbërës i cili gjendet në indet njerëzore, përfshirë edhe lëkurën. Kjo molekulë është esenciale për formimin e kolagjenit dhe të fibrave elastike dhe për të mbajtur të hidratuar lëkurën. Ndryshimet e acidit ialuronik prezente në lëkurë, kontribojnë në kohë për plakjen e saj. Acidi ialuronik ekziston në mënyrë natyrale tek të gjitha organizmat e gjalla dhe është një komponent universal për hapësirat mes qelizave dhe indeve të trupit (hapësira ekstraqelizore). Bëhet fjalë për një molekulë që ka strukturë kimike identike si ajo që gjendet në baktere të kafshëve ose të qënieve njerëzore. Duke qenë identike me të gjitha speciet dhe me të gjitha llojet e indeve, acidi ialuronik prezent është biokompatibël në tërësinë e saj. Përdorimi i acidit ialuronik është i dokumentuar në mjeksi, jo vetëm në kirurgjinë estetike, por edhe në sektorë të tjerë të mjeksisë si psh në ortopedi. Në 20 vitet e fundit, më shumë se 30 milionë njerëz janë trajtuar me sukses me produkte që kanë bazë acidi ialuronik.

2) SA TIPE ACIDI IALURONIK EKZISTOJNË ?

Acidi ialuronik i përdorur në mjeksinë estetike, është frut i një kompleksi sintezash laboratorike. Ai është në formën e një xheli steril, pa ngjyrë dhe transparent. Cilësia më e mirë dhe zgjatja në kohë e përthithjes së acidit ialuronik, varet nga sasia e molekulave ialuronato dhe e lidhjeve intermolekulare që janë prezente në 1 ml produkt. Në Klinikën Dermo Life përdoret cilësia maksimal e acidit ialuronik.

3) PËR ÇFARË DEFEKTESH PËRDORET ACIDI IALURONIK ?

Injektimi me bazë acidin ialuronik përdoret për të korrigjuar:
Buzët, për t’iu dhënë atyre më shumë volum ose thjesht për t’i bërë me një kontur më të dukshëm.
Rudhat: Psh tek ato rreth buzëve Rimodelim i kontornos së fytyrës si psh mollëzat dhe mjekra. Rrudhat rreth syve
Shenjat që lënë aknet, traumat si psh aksidentet dhe inestetizma të ndryshme të indeve të lëkurës. Rimodelim i gjoksit dhe i trupit.

4) SI PËRDORET ACIDI IALURONIK NË MJEKËSINË ESTETIKE ?

Acidi ialuronik injektohet me doza të vogla në zonat me probleme me një shiringë me age shumë të hollë.

5) A MUND TË BËHET KY TRAJTIM NË MËNYRË AMBULATORE ?

Po. Injeksionet e acidit ialuronik bëhen në qendra ambulatore dhe trajtimi zgjat nga 15-30 minuta. Zakonisht nuk është e nevojshme anestezia lokale, por nganjëherë përdoret një pomadë për zonat që dhëmbin sic psh buzët. Në rastin e injektimit të fillersave që absorbohen në kohë më të gjatë, kur bëhet mbushje e mjekrës dhe e mollëzave, është e këshillueshme anestezia lokale.

6) SA ZGJAT TRAJTIMI ME BAZË ACIDIN IALURONIK ?

Acidi ialuronik është një produkt që absorbohet dhe mund të zgjasë nga 2 muaj deri në 1-2 vjet. Produktet kryesore që janë në shitje mund të klasifikohen në bazë të kohës së ndryshme të përthithjes së tyre. Ka filler me përthithje të shpejtë, kohë të mesme, të ngadaltë dhe shumë të ngadaltë.

7) REZULTATI ESTETIK A ËSHTË I PËRHERSHËM ?

Acidi ialuronik nuk është një filler (mbushës) i përhershëm. Kur injektohet ai metabolizohet gradualisht nga organizmi me kohë të ndryshme sipas zonës së trajtuar dhe tipit të produktit që përdoret. Efekti i mbushjes dhe i zmadhimit ose dhe i shtrimit të rrudhave, është i menjëhershëm dhe zgjat nga 2 deri në 12 muaj. Mbas kësaj është e munduir që të përsëritet trajtimi periodikisht.

8) ÇFARË ËSHTË MACROLANE ?

Macrolan është një acid ialuronik i ri me absorbim të ngadalshëm, rreth 2 vjet, një produkt i shtëpisë farmaceutie suedeze Qmed me strukturë molekulare të madhe. Ai përdoret për të rimodeluar trupin dhe për të korriguar çarje dhe shenja të ndryshme. Përdoret gjerësisht edhe për mbushhjenn e gjoksit, për të gjithë ata që nuk preferojnë ndërhyrje kirurgjikale.

9) TRAJTIMI ME INJEKSIONE TË ACIDIT IALURONIK ?

Po, meqë bëhet fjalë për një substancë natyrale, acidi ailuronik nuk paraqet ndonjë problem. Në 24-48 orët e para pas trajtimit me bazë acidi ialuronik, mund të keni një skuqje të lehtë në zonën e trajtuar ose dhe pak fryrje. Rrallë mund të verifikohet ndonjë shenjë. Pas disa orësh mund ta mbuloni zonën e trajtuar me truk dhe buzekuq.