Çfarë është Gastroplastika Endoskopike (Lifting i Stomakut)?

Gastroplastika endoskopike, e njohur ndryshe si lifting i stomakut ose Endoscopic Sleeve Gastroplasty (ESG), është një procedurë bashkëkohore, minimalisht invazive për trajtimin e obezitetit. Ndryshe nga ndërhyrjet klasike bariatrike, lifting i stomakut kryhet pa prerje kirurgjikale, vetëm me ndihmën e një endoskopi të futur përmes gojës. Me anë të një pajisjeje të veçantë që lidhet me endoskopin, kirurgu aplikon disa qepje në murin e brendshëm të stomakut. Këto qepje e reduktojnë kapacitetin e stomakut me rreth 70%, duke i dhënë atij formë më të ngushtë dhe më të shkurtër, të ngjashme me atë të një bananeje. Pacienti ndihet i ngopur shumë më shpejt dhe konsumon më pak ushqim, gjë që sjell humbje të qëndrueshme të peshës.

Si kryhet procedura?

● Kryhet me endoskopi, pa prerje në bark.
● Pajisja futet përmes gojës deri në stomak.
● Aplikohen rreth 8–12 qepje në murin e brendshëm të stomakut.Kjo zvogëlon kapacitetin e stomakut me 60–70%.
● Procedura zgjat 60–90 minuta.
● Pacienti mund të shkojë në shtëpi të njëjtën ditë ose pas 24 orësh.

Kush është kandidat për Gastroplastikën Endoskopike?

Kjo metodë rekomandohet për pacientë:
● Me BMI nga 30–40
● Që nuk duan t’i nënshtrohen kirurgjisë klasike (si Gastrik Sleeve ose Bypass).
● Me sëmundje shoqëruese të obezitetit si diabet tip 2, hipertension, apnea gjumi.
● Që janë të motivuar për të ndryshuar stilin e jetesës pas ndërhyrjes.

Përparësitë e Gastroplastikës Endoskopike

● Procedurë pa prerje kirurgjikale
● Rikuperim shumë i shpejtë (1–2 ditë)
● Rrezik i ulët komplikimesh krahasuar me kirurgjinë klasike
● Nuk përfshin heqje të ndonjë pjese të stomakut
● Nuk ndikon në përthithjen e vitaminave dhe mineraleve
● I përshtatshëm për pacientë që nuk mund të kryejnë kirurgji klasike

Sa peshë humbet me Gastroplastikën Endoskopike?

Studimet tregojnë se pacientët humbasin deri ne 25% të peshës trupore totale brenda vitit të parë, nëse ndjekin një regjim të shëndetshëm ushqimor dhe aktivitet fizik.

Ndjekja pas procedurës
● Pas procedurës, pacienti fillon me dietë të lëngshme për disa javë.
● Gradualisht kalon në ushqime të buta dhe më pas në ushqime të ngurta.
● Vizita të rregullta te nutricionisti dhe mjeku për të monitoruar ecurinë.
● Kontrollet përfshijnë analiza gjaku, monitorim të peshës dhe këshillim për stilin e jetesës.

Për kë nuk rekomandohet ndërhyrja e lifting të stomakut?

● Pacientët me hernie të mëdha hiatale
● Pacientët që kanë pasur ndërhyrje të mëparshme në stomak
● Personat me sëmundje të rënda të mëlçisë ose mushkërive që e bëjnë procedurën jo të sigurt.