Lifting i fytyrës

Lifting i fytyrës

Humbja progresive e funksionit të qelizave të lëkurës karakterizon procesin biologjik të plakjes. Ky proces lë mbi lëkurë mbi secilin prej nesh shenja të dukshme. Shenjat e para të dukshme të moshës shfaqen pikërisht në nivelin e fytyrës. Rrudhat e para janë ato periorbitale, përreth syve, të ndjekura nga sfumimi i konturit të mandibulës (nofullës), për shkak të lëshimit të indeve të buta në nivel të këndeve të nofullës. Ndërkohë që mollëzat kanë tendencë të sheshohen, brazdat në anët e hundës të thellohen. Shfaqen rrudhat rreth buzëve, rrudhat midis vetullave, rrudhat frontale ose të ballit. Lëshimi i muskulit platisma bëhet shkak për palat në nivelin e qafës.Të gjitha këto ndryshime bëjnë që shumë gra dhe burra të jenë të pakënaqur me pamjen e tyre. Shikojnë që energjia dhe potenciali i brendshëm nuk përputhet me pamjen e tyre të jashtme. Lifting i fytyrës është një ndërhyrje e lartë e kirurgjisë plastike, ku lajmi i mirë është përmirësimi në mënyrë të dukshme i pamjes së lëkurës, rikthimi i harmonisë, tonifikimit dhe kompaktësisë.Teknika e kirurgjisë është perfeksionuar me kalimin e viteve dhe tashmë është në gjendjë të rinovojë fytyrën pa ndryshuar fizionominë dhe mimikën tuaj natyrale sikundër ka ndodhur në të kaluarën. Falë kësaj metode të kirurgjisë plastike fytyra juaj nuk ngjan e bërë ose e ribërë artificiale por rezulton në mënyrë natyrale e çlodhur dhe kjo zgjat në kohë. Eshtë e rëndësishme të sqarohet që rrudhat e thella nuk eleminohen por reduktohen. Lifting i fytyrës është një ndërhyrje e kirurgjisë plastike që në pjesën më të madhe të rasteve nis nga 40 vjeç dhe në këto grupmosha mund të shoqërohet edhe me Blefaroplastikë për shkak të rënies së qepallave. Kirurgët estetikë të DERMOLIFE® kujdesen gjithmonë që cdo ndërhyrje të bëhet në përputhje të plotë me individualitetin tuaj. Të famshmit që kanë marrë rezultate fantastike pas një Lifting të fytyrës janë shumë femra dhe meshkuj si psh: Demi Moor, Al Pacino, Arnold Schëarzenegger, Sylvester Stallone etj. Përgjithësisht në moshë të re përdoret kryesisht i ashuquajturi Minilifting që është një teknikë e tërheqjes së lëkurës së faqeve prapa veshëve. Për një rezultat që zgjat më shumë është e këshillueshme të bëhet një Lifting facial total. I ashtuquajturi Minilifting ofron mundësinë për të rigjeneruar një zonë specifike të fytyrës: zona e tëmthave dhe vëtullës, mund të rimodelohet me Lifting Temporal. Zona e faqeve me Lifting Medio-Facial. Zona e qafës dhe mjekra me Lifting de Collo (lifting të qafës). Zona e ballit me Lifting Frontal.
Mjeshtëria e kirurgëve italianë të DERMOLIFE® bazuar në dije të thelluara, eksperiencë shumëvjecare, teknika të fjalës së fundit në fushën e kirurgjisë estetike, kombinuar këto me ndjeshmërinë e spikatur ndaj të bukurës, lejojnë kirurgët tanë të realizojnë Lifting të fytyrës me rezultate maksimale, që do të thotë lëkurë në pozicionin që ishte para se të plakej, pamje e fytyrës e shplodhur,ekspresive,e rinuar dhe mjaft natyrale në sinergji me botën tuaj emocionale. Ju do të ndiheni mirë fizikisht dhe emocionalisht, sepse DERMOLIFE® JU GARANTON SHENDET DHE BUKURI.

Kirurgët estetikë të DERMOLIFE® ju këshillojnë procedurën e Lifting i fytyrës në rastet kur keni:

► Rrudha dhe shenjat e viteve mbi fytyrë
► Një pamje të përgjithshme të fytyrës e plaku
► Dëshire për të rigjeneruar pamjen e fytyrës
► Rënie të vetullës,rrudha rreth syve dhe rrudha rreth buzëve
► Ball të mbushur me rrudha
► Qafën dhe pjesën poshtë mjekrës me lekurë të lëshuar dhe të mbushur me rrudha

PROCEDURA

Lifting i fytyrës është një ndërhyrje shumë e personalizuar dhe si e tillë kërkon një konsultë të specializuar mjaft të detajuar. Gjatë konsultës së parë kirurgu i DERMOLIFE® do të zhvillojë me gjitha objektivat dhe rezultatet estetike që është e mundur të arrihen që ju të keni pritshmëri ju një bashkëbisedim të hapur mjaft të detajuar dhe do të programojë e do t’ju ilustrojë mbi të konkrete dhe reale. Do të studiojë me imtësi gjëndjen e lëkurës, të indeve nënlëkurore, muskulore si dhe strukturën kockore të fytyrës. Kirurgu i DERMOLIFE® vlerëson gjithashtu gjëndjen tuaj shëndetësore, për të përjashtuar sëmundje të ndryshme, probleme të koagulimit të gjakut apo cikatrizim të lëkurës, të cilat mund të influencojnë rezultatet finale të ndërhyrjes. Para ndërhyrjes kirurgu ynë do ju japë instruksione preize rreth ushqyerjes para dhe pas operacionit, administrimit të medikamenteve si dhe konsumimit të alkoolit dhe duhanit. Duhet të kryeni paraprakisht edhe disa ekzaminime si një vizitë kardiologjike, një radiografi të mushkërive si dhe disa analiza standart të gjakut dhe urinës. Pasi të kemi përmbledhur të gjitha përgjigjet e këtyre ekzaminimeve, është radha e një konsulte me anestezistin e stafit tonë, për të vendosur mbi gjendjen e përgjithshme shëndetësore dhe oportunitetin e kryerjes së ndërhyrjes estetike në fjalë.
Lifting i fytyrës është një ekspresion artistik i kirurgut plastik. Në cdo rast stafi ynë i kirurgëve ju garanton rezultate befasuese dhe ju do të ndiheni më të bukura se kurrë, sepse DERMOLIFE® JU GARANTON SHENDET DHE BUKURI.

Lifting i fytyrës mund të realizohet me anestezi lokale dhe sedacion ose me anestezi gjenerale. Në këtë rast stafi i DERMOLIFE® preferon të zgjedh anestezinë lokale me sedacion dhe të shmang anestezinë gjenerale, duke garantuar një rekuperim të menjëhershëm të personit pas interventit krahasuar me anestezinë gjenerale. Mundëson gjithashtu përdorimin e sasie shumë të vogël barnash gjatë operacionit. Anestezia lokale kryhet me disa injeksione të vogla në zonën e ndërhyrjes kirurgjikale duke siguruar mungesën e dhimbjes. Ndërsa sedacioni konsiston në injektimin endovenoz të medikamenteve që reduktojne ankthin dhe provokojnë një gjëndje gjumi të lehtë ose disi më të thellë. Personi është i relaksuar. Vlen të theksohet që në anestezinë lokale nuk përdoret intubimi duke mbajtur frymëmarrjen spontane të personit, duke shmangur përdorimin e aparaturave që garantojnë frymëmarrjen gjatë anestezisë gjenerale.

Në çdo rast Stafi i DERMOLIFE® ka si objektiv t’i garantojë personit një eksperiencë kirurgjikale të qetë dhe pa dhimbje. Operacioni realizohet duke ndjekur një protokoll preçiz që garanton cilësi dhe siguri maksimale. Operacioni i Lifting të fytyrës zgjat 1-3,5 orë në varësi të teknikës kirurgjikale që do të aplikohet për rastin tuaj. Në varësi të teknikës qëndrimi në klinikë mund të jetë ambulator ose një natë. Prerjet e kësaj ndërhyrje mbeten të padukshme pasi mbulohen nga flokët dhe palat e lëkurës para dhe pas veshit. Nëse ndërhyrja do të shtrihet deri në nivelin e qafës do të duhet vendosja e një dreni. Mjekët kirurgë të DERMOLIFE® të sigurt në eksperiencën e tyre internacionale dhe me kontakt të vazhdueshëm me teknikat më të fundit të kirurgjisë plastike janë gjithmonë pranë jush dhe gati për t’iu konsultuar dhe sqaruar për gjithë teknikat e Lifting të fytyrës.

Mbas ndërhyrjes mjekët e DERMOLIFE® këshillojnë pushim 24 – 48 orë. Dhimbja përgjithësisht është modeste dhe e kontrolluar nga barna analgjezike që merren në klinikë dhe në shtëpi. Mjekimi i plagëve kryhet 2 – 5 ditë pas operacionit,pas 7 – 14 ditësh hiqen penjtë. Mjekimet dhe vizitat e kontrollit me kirurgun estetik të DERMOLIFE® do të jenë gjithmonë falas. Pjesa më e madhe e edemës do të zhduket brenda 2 javësh. Këshillohet qëndrimi shtirë me kokën të ngritur lart dhe kompresa me akull për të përshpejtuar largimin e edemave. Mund të keni mungesë ndjeshmërie në zonën e trajtuar, por kjo është e përkohshme. Rekomandohet që në periudhen pas operacionit të shmangni ekspozimin në diell dhe konsumimin e duhanit.
Objektivi i kirurgëve tanë italianë është të realizojnë Lifting të fytyrës me rezultate maksimale duke vënë në dukje më të bukurën te ju, sepse DERMOLIFE® JU GARANTON SHENDET DHE BUKURI.