Rimodelimi i veshëve – Otoplastika

Rimodelimi i veshëve – Otoplastika

Bukuria e fytyrës është ngushtësisht e lidhur me bukurinë e secilës pjesë përbërëse të saj. Veshët e mëdhenj (ose veshët llapush) përbëjnë një inestetizëm të lindur lehtësisht të evidentueshëm që shkakton diskomfort psikologjik duke kompromentuar cilësinë e jetës,autostimën dhe ekuilibrin psikosocial. Për këtë arsye ky inestetizëm ka vëmendjen e vecantë të kirurgëve të DERMOLIFE® . Otoplastika është kirugjia estetike e veshëve që korrigjon formën, madhësinë, asimetrinë apo cdo lloj inestetizmi tjetër. Otoplastika rikthen harmoninë e fytyrës dhe ndjenjen tuaj të vetëvlerësimit. Fytyra, flokët dhe qafa do të kenë vëmendjen që gjithmonë kanë merituar dhe ju mund t’i thoni lamtumirë sikleteve të së kaluarës. Nuk ka kufizime moshe për t’iu nënshtruar rimodelimit të veshëve, megjithatë te fëmijët ky lloj operacioni rekomandohet të kryhet ndërmjet 5 dhe 14 vjet, domethënë në kohën kur këto defekte estetike bëhen burim i sikletit në raportet sociale dhe mund të shkaktojnë pasiguri të thella. Kirurget e Dermolife® realizojnë otoplastikën, në varësi të rastit, me teknikën tradicionale ose me një nga teknikat më inovative në fushën e kirurgjisë estetike e cila bën korrigjimin e formës së veshit duke evituar prerjen në pjesën e pasme të kërcit.
Mjeshtëria e kirurgëve të DERMOLIFE® bazuar në dije të thelluara, eksperiencëshumëvjecare, teknika të fjalës së fundit në fushën e kirurgjisë estetike, kombinuar këto me ndjeshmërinë e spikatur ndaj të bukurës, lejojnë kirurgët tanë të realizojnë operacionin e Otoplastikës me rezultate të shkëlqyera dhe pa shenja të dukshme, duke vëne në dukje më të bukurën të ju, sepse DERMOLIFE® JU GARANTON SHENDET DHE BUKURI.

Kirurgët estetikë të DERMOLIFE® ju këshillojnë rimodelimin e veshëve në rastet kur keni:

► Veshë llapush
► Veshë asimetrik
► Veshë shumë të vegjël ose të mëdhenj
► Lobet e veshëve të mëdha ose të dëmtuara
► Dëmtime post traumatike

PROCEDURA

Otoplastika është një ndërhyrje shumë e personalizuar dhe si e tillë kërkon një konsultë të specializuar mjaft të kujdesshme. Gjatë konsultës së parë kirurgu i DERMOLIFE® do të zhvillojë me ju një bashkëbisedim të hapur mjaft të detajuar dhe do t’ju ilustrojë mbi të gjitha objektivat dhe rezultatet estetike që është e mundur të arrihen. Do të vlerësojë me imtësi formën dhe madhësinë e veshëve, të cilat shpesh janë shumë të ndryshme nga njëri vesh tek tjetri, raportet e tyre me fytyrën dhe kokën në tërësi dhe do t’ju tregojë teknikën më të përshtatshme kirurgjike për të arritur rezultatin më të mirë të mundshëm. Kirurgu i DERMOLIFE® vlerëson gjithashtu gjëndjen tuaj shëndetësore, për të përjashtuar sëmundje të ndryshme, probleme të koagulimit të gjakut apo cikatrizim të lëkurës, të cilat mund të influencojnë rezultatet finale të ndërhyrjes.Para ndërhyrjes kirurgu ynë do ju japë instruksione precize rreth ushqyerjes para dhe pas operacionit, administrimit te medikamenteve si dhe konsumimit të alkoolit dhe duhanit. Duhet të kryeni paraprakisht edhe disa egzaminime si një vizitë kardiologjike, një radiografi të mushkërive si dhe disa analiza standard të gjakut dhe urinës. Pasi të kemi përmbledhur të gjitha përgjigjet e këtyre ekzaminimeve,është radha e një konsulte me anestezistin e stafit tonë, për të vendosur mbi gjëndjen e përgjithshme shëndetësore dhe oportunitetin e kryerjes së ndërhyrjes estetike në fjalë. Në përfundim të konsultës kirurgu, së bashku me ju,do të zgjedhë procedurën më të përshtatshme për rastin tuaj.
Në cdo rast kirurgët e DERMOLIFE® ju garantojnë rezultate të shkëlqyera dhe pa shenja të dukshme, duke vënë në dukje më të bukurën te ju, sepse DERMOLIFE® JU GARANTON SHENDET DHE BUKURI.

Kur i nështrohesh një operacioni kirurgjikal një nga preokupimet më të zakonshme është anestezia. Stafi i DERMOLIFE® e realizon otoplasikën nën anestezinë lokale me sedacion dhe shmang anestezinë gjenerale, duke garantuar një rekuperim të menjëhershëm të personit pas interventit krahasuar me anestezinë gjenerale. Anestezia lokale kryhet me disa injeksione të vogla në zonën e ndërhyrjes kirurgjikale duke siguruar mungesën e dhimbjes. Ndërsa sedacioni konsiston në injektimin endovenoz të medikamenteve që reduktojnë ankthin dhe provokojnë një gjëndje gjumi të lehtë ose disi më të thellë. Personi është i relaksuar dhe pjesërisht koshient. Vlen të theksohet që në anestezinë lokale nuk përdoret intubimi duke mbajtur frymëmarrjen spontane të personit, duke shmangur perdorimin e aparaturave që garantojnë frymëmarrjen gjatë anestezisë gjenerale.

Në çdo rast Stafi i DERMOLIFE® ka si objektiv t’i garantojë personit një eksperiencë kirurgjikale të qetë dhe pa dhimbje. Operacioni realizohet duke ndjekur një protokoll preçiz që garanton cilësi dhe siguri maksimale, duke arritur rezultate të shkëlqyera e pa lënë shenja të dukshme. Otoplastika zgjat mesatarisht 1-2orë, është një procedurë kirurgjikale e lehtë, pa dhimbje dhe me rekuperim të menjëhershëm pas interventit. Kirurgu estet procedon me një incizion në pjesën e pasme të kërcit të veshit, pasi realizon rimodelimin dhe ripozicionimin kryen qepjen e kërcit me penjë të vecantë që sigurojnë shumë qëndrueshmëri dhe më pas bëhet qepja e lëkures me penjë të absorbueshem.Rezultati nënkupton korrigjim ekselent të anës estetike (afrim i llapave të veshëve me kokën). Teknika inovative pa prerje, me anë të pajisjes EarFold, konsiston në një prerje të vogël të lëkurës dhe implantimin e pajisjes Earfold nënlëkurë duke realizuar korrigjimin definitiv të formës së veshit. Eshtë mjeku kirurg që përcakton teknikën më të përshtatshme për rastin tuaj. Nga ana psikologjike rezultati i Otoplastikës është befasues duke i dhënë fytyrës një pamje të re dhe dinamike. BUKURIA ESHTE FORCE DHE DERMOLIFE® FORCON BUKURINE TUAJ.

Menjëherë pas operacionit do të aplikohen leukoplast dhë një fashë elastike rreth kokës (si turban) e cila këshillohet të hiqet pas dy ditësh. Mjekimi i plagëve kryhet 2 – 5 ditë pas operacionit Mjekimet dhe vizitat e kontrollit me kirurgun estetik të DERMOLIFE® do të jenë gjithmonë falas. Për të kryer një dush këshillohet të prisni të paktën dhjetë ditë. Banjat në det ose pishinë nuk rekomandohen për të paktën 1 muaj. Pas operacionit të otoplastikës përdorimi i syzeve nuk rekomandohet gjithashtu për të paktën një muaj. Rifillimi i punës mund të bëhet menjëherë 1–2 ditë pas ndërhyrjes ndërkohë që rifillimi i aktivitetit sportiv mund të bëhet pas një jave nga ndërhyrja. Veshët do të marrin formën e tyre përfundimtare pas 3 –4 muajsh.
Objektivi i kirurgëve italianë të DERMOLIFE® është të realizojnë operacionin e Otoplastikës me rezultate të shkëlqyera dhe pa shenja të dukshme, që do të thotë korrigjim ekselent i anës estetike, pra afrim të llapave të veshit me kokën, duke vënë në dukje më të bukurën te ju, sepse DERMOLIFE® JU GARANTON SHENDET DHE BUKURI.