Alergjia dhe intoleranca ushqimore: Cili është ndryshimi?

Alergjia dhe intoleranca ushqimore

Alergjia dhe intoleranca ushqimore: Cili është ndryshimi? Nje alergji ushqimore, shkakton nje reagim te sistemit imunitar , I cili e sheh ushqimin, gabimisht, si armik. Prandaj, mekanizimi mbrojtës i trupit hidhet në mbrojtje. Kjo prodhon një sërë simptomash, të cilat mund të luhaten nga një kruarje e lehtë, vështirësi në frymëmarrje e deri në gjendje shoku kercenuese per jeten. Këto simptoma zakonisht ndodhin menjëherë pasi ushqimi është konsumuar.

Ne Intolerancen ushqimore, sistemi yne imunitar zakonisht nuk përfshihet dhe simptomat marrin shumë më tepër kohë për t’u shfaqur, dhe shpesh të kufizuara në problemet e tretjes . Ato nuk janë të rrezikshme për jetën. Megjithatë, intoleranca ushqimore mund të ndikojë negativisht në shëndetin afatgjatë. Në fakt, dikush mund ta ketë të vështirë të tresë një ushqim për shkak të mungesës së enzimave ose për shkak të substancave kimike në ushqim që mezi treten. Për shembull, intoleranca nga laktoza ndodh kur aparati tretës nuk prodhon enzimat e nevojshme për të tretur llojin e sheqernave te produktet e qumështit.

Alergjia ndaj ushqimit

* Zakonisht shfaqet papritur
* Mund të shkaktohet nga një sasi e vogël e ushqimit
* Ndodh çdo herë që hani ushqimin
* Mund të jetë kërcënuese për jetën
Intoleranca ndaj ushqimit

* Zakonisht vjen gradualisht
* Mund të ndodhë vetëm kur hani shumë ushqim
* Mund të ndodhë vetëm nëse hani ushqim shpesh
* Nuk është kërcënuese për jetën
Çfarë ndodh në një reaksion alergjik?

Në thelb, kur një sistem imunitar reagon ndaj një përbërësi ushqimor gjatë një reaksioni alergjik, ai shkakton çlirimin e kimikateve, të tilla si histamina, nga qelizat e trupit. Kjo shkakton një ose të gjitha simptomat e mëposhtme:

– kruajtje ose ënjtje e gojës dhe fytit
– urtikarie në pjesë të ndryshme të trupit
– hundë dhe sy që kullojnë
– skuqje e lëkurës
– diarre dhe/ose të vjella


Nëse reaksioni është i rëndë, mund të shfaqen simptoma të tjera, duke përfshirë:

– ndjesi të papritur dobësie
– probleme me frymëmarrjen
- shije metalike ne goje
Cilat janë simptomat e intolerancës ushqimore?

Simptomat e intolerancës ushqimore përfshijnë:

* Probleme me tretjen, si diarre, fryrje, dhimbje stomaku, etj.
* Mund të shkaktojë edhe humbje në peshë, letargji ose anemi, apo edhe migrenë
* Pasoja psikologjike si humbje te perqendrimit, deri në lipotimi. Megjithatë, këto shfaqen zakonisht në shtrirje të gjata periudhash kohore, së bashku me një llojshmëri simptomash të tjera që mund të rezultojnë nga kequshqyerja. Në disa raste, simptomat e intolerancës ushqimore ngjasojnë me ato të një reaksioni të lehtë alergjik.
* Shumë nga simptomat e intolerancës ushqimore janë të ndërlidhura edhe me çrregullime të tjera të sistemit tretës, siç janë sëmundja e Crohn-it dhe Sindroma e Zorrës së Irrituar.



Këto shkaktarë shkaktojnë rreth 90% të alergjive ushqimore:

* Kikirikë
* Arra peme (të tilla si arra, pekanë dhe bajame)
* Peshk
* Qumësht
* Vezë
* Soje
* Gruri


Intoleranca ushqimore më e zakonshme është intoleranca ndaj laktozës. Ndodh kur njerëzit nuk mund të tretin laktozën, një sheqer që gjendet në qumësht dhe produktet e tij. Një lloj tjetër intolerance është të qenit intolerante nga gluteni, e cila nuk shkakton simptoma kercenuese per jeten.