Blog

Si mund ta forcoj imunitetin?

forcimi i imunitetit

Frika mbi coronavirus ka kapluar cdo njëri dhe kjo frikë reflektohet edhe në kërkimet online që po bëjnë të gjithë. Megjithatë në internet mbizotëron edhe shumë dezinformim… Po ju japim disa të dhëna se cfarë është efektive dhe cfarë nuk është për të forcuar imunitetin tuaj.

A e rrisin ushqimet imunitetin tuaj ? A ndihmojnë vitaminat ?

Sistemi imun është një kompleks qelizash, organesh dhe indesh të cilat punojnë së bashku për të mbrojtur trupin nga infeksionet. Megjithëse gjenetika luan një rol shumë të rëndësishëm, ne tashmë dimë nga studimet me binjakë që sistemi imun ndikohet shumë nga faktorët ambjentale, jo të trashëgueshëm. Bakteret ndaj të cilave ekspozohemi gjatë gjithë jetës, ashtu si edhe faktorët sociale si stresi, gjumi, dieta, ushtrimet fizike luajnë një rol shumë të madh në përgjigjën e sistemit tonë imun. Thelbi këtu është se nuk ka një medikament magjik apo një ushqim të vetëm që përmirëson sistemin imun dhe të mbron nga coronavirus. Por ka mënyra të ndryshme sesi ne mund të kujdesemi për veten dhe të ndihmojmë sistemin tonë imun të përgjigjet sa më mirë ndaj sëmundjeve të ndryshme.

1.Reduktoni nivelin e stresit
Shqetësimi i vazhdueshëm mbi koronavirus, ekonominë dhe shndërrimin total të jetës gjatë këtyre ditëve ka ndikuar shumë në nivelin e stresit, por ne dimë se gjithë ky stress i shtuar na bën më vulnerabël ndaj sëmundjeve.
Trupi juaj funksionon më mirë në luftimin e sëmundjeve apo shërimin e plagëve kur nuk është nën stress. Duke mësuar teknika të reja për të menaxhuar stresin si meditimi, frymëmarrje e kontrolluar ose duke kontaktuar me një therapist të shëndetit mendor do t’ju ndihmojnë të forconi imunitetin tuaj.

2.Përmirësoni gjumin.
Një sistem imun i shëndetshëm mund ta luftojë infeksionin. Një sistem imun pa gjumë të mirë nuk funksionon mirë. Duke u fokusuar në një regjim gjumi të shëndetshëm është një mënyrë shumë e mire për të forcuar sistemin imun. Është llogaritur se njeriu duhet të flejë mesatarisht 6-7 orë në natë. Vendos një orar të caktuar për zgjimin dhe rënien në gjumë, ndiqeni atë rregullisht. Mos përdor celularin apo kompjuterin përpara gjumit, mos konsumoni ushqim përpara se të filni dhe bëni ushtrim fizike përpara gjumit.

3.Kontrollo nivelin e vitaminës D
Studime të shumta tregojnë që suplementet e vitaminës D mund të ndihmojnë në luftën ndaj sëmundjeve të ndryshme respiratore. Pse na ndihmon vitamina D ?
Trupi jonë ka nevojë për vitamin D për të prodhuar proteina antimikrobiale të cilat vrasin viruset dhe bakteret. Vitamina D gjendet në produktet e peshkut si salmon, në qumësht dhe ushëime të tjera. Gjithashtu vitamin D ndikohet shumë nga ekspozimi nda dielli. Sasia e vitaminës D më e madhe se 30 nanogramë për mililitër është optimale. Sasia nën 20 nanogramë për mililitër është deficiencë.

4.Shmang konsumin e alkoolit
Studime të shumta kanë gjetur një lidhje midis konsumit te alkoolit dhe sistemit imun. Alkooli ndikon në mushkëri dhe dëmton mukozën e sistemit imun, e cila është esenciale në identifikimin e patogjenëve dhe për të luftuar infeksionin. Nuk ndikon vetëm konsumi kronik i alkoolit, por edhe pirja më rallë dhe në sasi të mëdha. Thelbi: një koktejl ose një gotë verë gjatë qëndrimit mbyllur në shtëpi është ok, por shmangni konsumin e tepërt të alkoolit.

5. Konsumoni një dietë të balancuar, bëni aktivitet fizik dhe shmangni suplementet e pavërtetuara shkencërisht.
Deri më tani nuk kemi një ushqim të vetëm apo një metodë natyrale të vetme që të forcojë imunitetin, gjithsesi ditët e sotme qarkullojnë ide te ndryshme. Shumë rekomandojnë ujin e hudhrave të ziera, të tjerë ginger, fruta si limoni, portokalle, qitro, përdorimin e turmerikut apo vajit të oreganos etj. Suplementet e zinkut njihen si metodë për të luftuar të ftohtët dhe sëmundjet respiratore. Thelbi është: nëse i shijoni këto ushqime që i përmendëm për forcimin e imunitetit, ska asnjë problem që t’i përdorni si pjesë e një dietë të balancuar.

forcimi i imunitetit nga ushqyerja