Blog

Kush mund të quhet një hundë perfekte, zbuloni sekretet

Kush mund të quhet një hundë perfekte, zbuloni sekretet

Një nga operacionet estetike më të kërkuara në Shqipëri, dhe një nga 5 operacionet më të kërkuara sot në Itali është ai i rimodelimit të hundës, ose rinoplastika. Forma e hundës dhe dimensionet e saj arrijnë të influencojnë shumë në pamjen e përgjithshme të individit. Nëpërmjet rinoplastikës është e mundur të korrigjohen difektet më të përhapura si asimetria e piramidës, gunga, rënia e majës, shtrembësia, problemet brenda hundës etj. Në disa raste, ku është e nevojshme që të përmirësohet edhe frymëmarrja e pacientit e cila shkaktohet si pasojë e devijimit të setit, rinoplastika shoqërohet me settoplastikë. Kjo lloj ndërhyrje mund të realizohet në dy mënyra; e hapur ose e mbyllur.

E para është ajo më shumë e përdorura dhe bën rimodelimin e strukturës së hundës përmes prerjeve të brendshme të cilat nuk lënë shenja nga jashtë. E dyta, rinoplastika e hapur, realizohet sidomos kur pacienti ka nevojë të bëjë rregullimin e majës së hundës. Edhe pse teknikat e rinoplastikës janë bërë gjithnjë e më pak invazive, duhet thënë se bëhet fjalë për një operacion të vërtetë edhe pse komplikacionet janë të pakta dhe të rralla. Vetëm nëse i besoni një specialisti të kualifikuar mund të jeni të sigurtë që nuk rrezikoni infeksione dhe gjakderdhje.

›Çfarë profili duhet të ketë një hundë perfekte?
Si fillim duhet të themi se asnjë hundë nuk është e njëjtë me tjetrën. Por ajo që duhet realizuar në ndërhyrje të tilla është profili perfekt, që hunda të ndjekë një vijë të drejtë deri tek maja e saj. Propocionet luajnë një rol vendimtar në përcaktimin e hundës natyrale, psh një hundë me majë shumë poshtë nuk duket mirë, por duhet thënë se edhe kur maja është shumë lart, nuk duket gjithashtu aq mirë. Profili profekt është nëse maja është 1-2 cm më lart në krahasim me hundën. Sipas kërkimesh të realizuara nga një grup kirurgësh ekspertë, propocioni ideal i një profili perfekt formon një kënd 106 gradë me buzën e sipërme dhe majën e hundës e cila duhet të jetë e drejtuar për lart.