Blog

Si ndodh dhe çfarë e shkakton Hernien Umbilikale?

Si ndodh Hernia

Një hernie umbilikale e cila është e njohur edhe si hernia në zonën e kërthizës ndodh kur një pjesë e zorrëve tuaja fryhet përmes hapjes në muskujt tuaj të barkut pranë butonit të barkut (kërthizës).


Cfarë e shkakton Hernien Umbilikale?

Gjatë shtatzënisë, kordoni i kërthizës kalon nëpër një vrimë të vogël në muskujt e barkut të foshnjës. Hapja normalisht mbyllet menjëherë pas lindjes. Nëse muskujt nuk bashkohen plotësisht në mes të murit të barkut, një hernie kërthizore (umbilikale) mund të shfaqet në lindje ose më vonë.

Tek të rriturit, presioni i tepërt i barkut kontribuon në krijimin e saj.
Shkaqet e rritjes së presionit në bark përfshijnë:

1- Obezitetin

2- Shtatzënitë e shumëfishta

3- Lëngun në zgavrën e barkut

4- Kirurgjitë e mëparshme të barkut

5- Dializën peritoneale (është një lloj dialize e cila shërben për të hequr produktet e mbeturinave nga gjaku juaj kur veshkat nuk mund ta kryejnë më funksionin e tyre adekuat).


Faktorët e rriskut

Hernia umbilikale ndodh shpesh tek fëmijët veçanërisht tek foshnjet që lindin në mënyrë të parakohshme dhe me peshë nën mesataren. Për të rriturit, mbipesha ose shtatzënitë e shumta mund të rrisin rrezikun e zhvillimit të saj. Kjo lloj patologjie ka prirje të jetë të jetë më e zakonshme tek gratë.


Komplikimet

Tek fëmijët, komplikimet e hernies umbilikale janë të rralla. Komplikimet mund të ndodhin kur indi i zgjatur i barkut bllokohet (burgoset) dhe nuk mund të shtyhet më prapa në zgavrën e barkut. Kjo zvogëlon furnizimin me gjak në pjesën e zorrëve të bllokuara dhe mund të çojë në dhimbje barku dhe dëmtim të indeve.
Nëse pjesa e bllokuar e zorrëve ndërpritet plotësisht nga furnizimi me gjak, mund të çojë në vdekjen e indeve. Infeksioni mund të përhapet në të gjithë zgavrën e barkut, duke shkaktuar një situatë kërcënuese për jetën.
Të rriturit me këtë lloj hernie, kanë më shumë gjasa të përjetojnë një bllokim të zorrëve. Zakonisht aplikohet kirurgjia emergjente për të trajtuar këto komplikime.

Si ndodh Hernia umbilikale