Blog

Flet Dr. Vincenzo Colabianchi nga Klinika “Dermolife”: “Si mund të realizoni ndërhyrje estetike të përsosura”

Flet Dr. Vincenzo Colabianchi nga Klinika Dermolife

Me 32 vite karrierë si kirurg plastik, Vincenzo Colabianchi vjen për të ushtruar profesionin e tij edhe në Shqipëri. Klinika Dermolife, me mbi 13 vite eksperiencë në vendin tonë, nuk është mjaftuar me një kirurg italian të mirë, por ka shkuar më tej, duke sjellë në klinikë, një nga profesionistët më të shquar në vendin e tij dhe me shkollim ndërkombëtar nga Brazili, Amerika, Italia etj. Në këtë mënyrë, krahas shërbimit ekselent që mund të marrin pacientët shqiptarë, ky është dhe një moment i mirë për të kuptuar nga një profesor i shquar i mjeksisë estetike, se cilat janë risitë e kësaj shkence, çfarë kërkohet sot më shumë dhe çfarë duhet të dimë para se t’i drejtohemi një kirurgu plastik.

›Zoti Colabianchi, ju keni mjaft eksperiencë në Itali, në klinikat dhe spitalet ku keni punuar si dhe punoni aktualisht. Cilat janë sot ndërhyrjet estetike që kërkohen më së shumti atje?Në Itali 30 vite më parë kërkoheshin operacione të mëdha, një lifting i madh, gjokse të mëdha etj. Ndërsa sot kërkohen ndërhyrje të vogla mikro invazive me rezultate të mëdha dhe të personalizuara. Italianët duan të duken sa më natyralë dhe të kthehen në jetën sociale sa më shpejt. Ndërhyrjet më të shumta që bëhen sot në Itali janë lipuzicion, pra heqja e dhjamit si dhe ndërhyrjet në gjoks për zmadhimin e saj. Por duhet thënë që çdo vend ka preferencat e tij teksa kërkohen disa ndryshime fizike. Në Brazil femrat duan gjoks të vogël dhe fund shpinë të madhe, në Amerikë duan një gjoks të madh, në Itali duan diçka të mesme, që të duket sa më natyrale.

›Meqë jemi tek lipuzicioni, ose heqja e dhjamit, a është e vërtetë se dhjami i hequr nuk shfaqet më?Po, shumë e vërtetë, dhjami i hequr në bark, kofshë, ije, krahë nuk ridel më, sepse me largimin e dhjamit, shkatërrohen qelizat dhjamore. Nëse do të shëndoshesh një ditë, do të mbushesh e gjitha, jo vetëm në atë pjesë ku ne kemi larguar dhjamin. Unë kam pacientë që i kam operuar 27 vite më parë, që kanë bërë tre fëmijë më pas, që kanë shtuar shumë kg dhe që janë rikthyer në formë, por sot janë si ditën që unë i operova, pjesët e dhjamosura nuk u kthyen më.

›Ndërhyrjet në fytyrë në çfarë moshe i këshilloni?
Në Itali lifting dhe minilifting fillohet rreth moshës 50 vjeç, ndërkohë që më parë përdoret botoksi, filler, fijet që tërheqin lëkurën, (një teknikë e re shumë e suksesshme kjo), por një blefaroplastikë bëhet edhe para moshës 50 vjeç.

›Çfarë mendimi keni për ndërhyrjet ekstreme që bëhen sot?
Është reklama më e keqe që një pacient mund t’i bëjë doktorit të tij, janë raste të turpshme. Në profesionin tonë, nëse ndërhyrja nuk është natyrale, që pacientja të duket e relaksuar, sikur ka qenë me pushime, të mos kuptohet ndërhyrja pra, atëherë çfarë kuptimi ka?

›Si e gjeni realitetin shqiptar përsa i përket ekzigjencave për ndërhyrje plastike?
Më duket si Italia e 30 viteve më parë, ka një kërkesë të madhe për të ribërë hundën, edhe në Itali, vite më parë vetëm hundën bënin. Pastaj kërkohet shumë heqja e dhjamit në bark dhe lifting i barkut, sidomos tek zonjat që kanë lindur, por edhe tek më të rejat. Por unë e di se si do evolojë kërkesa më tej, sepse kështu ka ndodhur edhe në Itali. Do fillojnë të kërkohen më shumë ndërhyrje si blefaroplastika, krahët, gjoksi, buzët etj. Sa më shumë të merren informacione për kirurgjinë plastike, aq më shumë do zgjerohet spektri i ndërhyrjeve.

›Shohim pothuajse përditë njerëz që kanë bërë ndërhyrje të gabuara, madje edhe personazhe të televizionit, çfarë mund të bëni ju për to?
Kam parë punë të bëra në mënyrë shumë të shëmtuar, mollëza dhe buzë me silikon apo të tjera shëmti si këto. Unë në Itali 50% të punëve që bëj janë korrigjime të punëve të të tjerëve. Për fat të keq nuk arrihet gjithmonë që të rregullohet një gabim i bërë, prandaj unë i këshilloj të gjithë ata që duan të bëjnë ndërhyrje të tilla, të shohin me çfarë doktori kanë të bëjnë, çfarë eksperience ka ai. Psh unë para se të bëja kirurgun estetik kam punuar kirurg i përgjithshëm, më pas kirurg i traumave dhe në fund kirurg plastik. Puna jonë është shumë e vështirë, prandaj duhen kaluar këto etapa.

›Cilat janë të rejat e fundit nga profesioni juaj, pra çfarë lajmesh do iu japim atyre që nuk e pranojnë plakjen?
Një e re e rëndësishme në fushën tonë janë qelizat staminale. Siç dihet, duke u plakur lëkura humbet tonifikimin si dhe volumin. Atëherë injektimi i qelizave staminale të cilat merren po nga trupi i vetë pacientit, injektohen aty ku është nevoja, më së shumti në fytyrë dhe lëkura bëhet më tonike si dhe vëllimi rritet. Jo vetëm kaq, qelizat staminale përdoren edhe në shenja apo imperfeksione të tjera të lëkurës si dhe për rritjen e gjoksit. Dhe mbi të gjitha rezultati është i përhershëm. Ndërkohë mund të thuhet se për çdo ndërhyrje në kirurgjinë plastike, teknikat janë përsosur. Një hundë psh bëhet pa çarje dhe pa asnjë shenjë dhe koha e rikuperimit është shumë e shkurtër.

›Teknika më e veçantë që ju përdorni, që është e personalizuar?
Unë kam bërë një teknikë timen për abdominoplastikën, një mënyrë e veçantë për të trajtuar ndërhyrjen e barkut e cila do të publikohet së shpejti në revistat shkencore për tu bërë më pas teknikë botërore. Ndërhyrja bëhet më shpejt, dhe pas operacionit pacienti shkon në shtëpi menjëherë. Rezultatet janë të shkëlqyera.