Aspekti psikologjik i obezitetit tek grate

Grate obeze meritojne kujdes te veçante dhe duhet te trajtohen me dashuri dhe respekt, duke mare parasysh gjendjen personale ne te cilen ato ndodhen.
Duke pare qe perqindja e grave obeze vitet e fundit eshte dyfishuar, obeziteti ka nisur te shihet si nje gjendje shendetesore. Pra ndryshon menyra e te gjykuarit, nga gjendje “per t’u ndjere keq e patur turp” ne gjendje qe “ ka nevoje per kujdes”.

Mjeket duhet te perfshijne perllogaritjen e indeksit te mases trupore (BMI) dhe vleresimin per obezitetin dhe çrregullimet e ngrenies, ne çdo egzaminim gjate periudhes se shtatzanise dhe ate pas lindjes, per te gjitha grate.eshte pergjegjesia e mjekut qe te njohi rreziqet mjekesore qe shoqerojne obezitetin dhe te keshillojne pacientet ne lidhje me keto rreziqe, ne nje menyre asnjanese, duke respektuar autonomine dhe dinjitetin e tyre, pa i qortuar per peshen e tyre.

Ajo qe duhet mbajtur gjithmone parasysh eshte perballja me problemet sociale ekonomike, turpi ndaj shoqerise, te afermve, mjekeve te tjere dhe stigmatizimi ne nje shoqeri qe barazon te qenurit e dobet me shendetin dhe bukurine.Grate obeze duhen pare nga mjeku, ashtu si çdo pacient tjeter me rrisk te larte. Keshillimi per te ulur peshen duhet pare si nevoje mjekesore, dhe jo thjesht si kufizim i ngrenies apo shtimi i ushtrimit fizik, pa harruar kushtet ekonomike dhe sociale te gruas.