Blog

Venat merimangë, përse shkaktohen, cila është zgjidhja e tyre?

Venat merimangë, përse shkaktohen, cila është zgjidhja

Edhe pse shumë njerëz i konsiderojnë venat merimangë si diçka e shëmtuar, ky tashmë nuk është një problem. Venat merimangë në përgjithësi janë vetëm një çështje kozmetike, dhe nuk konsiderohen të rrezikshme. Përveç kësaj, ka trajtime të sigurta dhe efektive të disponueshme për ato të cilët nuk e pëlqejnë shfaqjen e tyre.


1- Cfarë janë venat merimangë?
Venat merimangë, si venat me variçe, janë të lidhura ngushtë me sistemin e qarkullimit të gjakut i cili monitoron sesi transportohet gjaku në të gjithë trupin. Në përgjithësi, venat merimangë kanë një pamje dhe model shumë të veçantë. Në krahasim me paraqitjen e venave varikoze të cilat janë të fryra dhe të trasha, venat merimangë janë të vogla, me një ngjyrë vjollcë, të kuqe ose blu përgjithësisht rregulluar në një model që i ngjan një merimange ose degëve të pemëve.
Edhe pse ato shpesh shfaqen në këmbë, disa individëve i shfaqen në fytyrë që në përgjithësi janë me ngjyrë të kuqerremtë.

2- Anatomia e venave merimangë
Për të kuptuar venat merimangë, është thelbësore që të kuptojmë bazat e sistemit të qarkullimit të gjakut. I përbërë nga një rrjet i madh venash dhe arteriesh, ky sistem transporton oksigjen në gjak dhe lëndë ushqyese në të gjithë trupin më pas përsëri në zemër. Në ekstremet e poshtme, sistemi venoz i trupit punon shumë për të pompuar gjakun deri në zemër. Valvulat e specializuara në sistemin venoz të gjakut bëjnë të mundur që gjaku të mos grumbullohet në vena. Sidoqoftë, në rastet e pamjaftueshmërisë venoze, këto valvula speciale nuk funksionojnë siç duhet.
Kur ka një problem me rrjedhjen e gjakut në trup, gjaku mund të grumbullohet në vena dhe në enët e gjakut. Në thelb, venat e dukshme janë përgjithësisht një shenjë që disa elementë të sistemit të qarkullimit të gjakut nuk janë duke funksionuar në mënyrë optimale. Ndërsa venat me variçe zakonisht ndodhin në disa nga venat më të mëdha, venat merimangë shihen në enët e vogla sipërfaqësore të gjakut.

3- Lidhja e kolagjenit
Kur venat merimangë shfaqen në fytyrë, ato zakonisht kanë një shkaktar tjetër: prishja e kolagjenit në trup. Si një ind lidhës i rëndësishëm që suporton trupin tuaj, kolagjeni ulet nga ekspozimi konstant në rrezet e diellit. Me një ulje të kolagjenit, do të ketë më pak presion të ushtruar në enët e gjakut në fytyrë e cila mund të çojë në shfaqjen e venave merimangë në fytyrë.

4- Shkaktarët dhe faktorët e rriskut
Edhe pse venat merimangë kanë lidhje me venat insufiçente, është e vështirë të thuash me siguri se çfarë shkaktojnë venat merimangë për një individ. Megjithatë, studiuesit kanë përcaktuar se ka disa faktorë të zakonshëm të rrezikut të lidhur me venat merimangë:

Pesh -Të qënurit mbipeshë mund të shkaktojë më shumë presion në venat tuaja dhe në këtë mënyrë provokoni pamjaftueshmëri venoze.

Ekspozimi i diellit - Siç e theksuam edhe më parë, ekspozimi ndaj rezeve UV mund të përkeqësojë venat merimangë duke ndikuar në uljen e kolagjenit.

Shtatzënia - Si rregull, gratë shtatzëna pompojnë më shumë gjak në trupin e tyre për të ushqyer dhe mbrojtur fetusin. Si rezultat, kjo mund të krijojë më shumë presion në venat tuaja dhe të shkaktojë enët e gjakut të dukshme.

Mosha - Ndërsa plakemi, valvulat në gjakun tonë mund të mos funksionojnë normalisht gjithashtu. Përveç kësaj, ne mund të humbasim fuqinë në muskulaturën e venave me kalimin e viteve, gjë që mund të parandalojë muskujt të kryejnë funksionin e tyre.

Trashëgimia - Venat merimangë konsiderohen se kanë një përbërës gjenetik, që do të thotë se ka më shumë të ngjarë të ketë vena merimangë një person që ka individë të tjerë në familjen e tij që i ka ato.

Hormonet - Disa hormone në trupin tuaj, si estrogjeni, mund të ndikojë në valvulat e venave tuaja dhe kontribuojnë në venat e dukshme.

Rosacea - Personat me rosacea, një gjendje e lëkurës që shoqërohet me lëkurë të kuqe vazhdimisht, shpesh përjetojnë venat merimangë në fytyrë.

Stili i jetesës - Nëse puna ose mënyra juaj e jetesës kërkon që të uleni ose të qëndroni për periudha të zgjatura kohore në këmbë, kjo mund rezultojë në grumbullimim e gjakut në këmbët tuaja.

5- Parandalimi: Mënyra e jetesës, dieta dhe ushtrimet.
Në shumicën e rasteve, venat merimangë ndodhin për shkak të një larmie të faktorëve hormonal dhe trashëgues që janë të vështira ti kontrollosh. Për këtë arsye, mund të mos jetë e mundur për të parandaluar venat merimangë nëse, për shembull, ju keni një predispozicion gjenetik ose ju mbeteni shtatzënë. Sidoqoftë, mbështetja e shëndetit tuaj të përgjithshëm dhe mbrojtja e sistemit të qarkullimit të gjakut mund të ndihmojë në parandalimin e disa raste të venave merimangë:

* Humbni peshë për të shmangur presionin e tepërt në vena.

* Shmangni të uleni ose të qëndroni shumë gjatë në këmbë.

* Shmangni alkolin e tepërt, e cila shpie në zmadhimin e enëve të gjakut në fytyrë.

* Vendosni kremin e diellit për të mbrojtur fytyrën tuaj nga rrezet UV.

* Bëni stërvitje të moderuar si ecja, e cila ndihmon të përmirësoni qarkullimin e përgjithshëm të gjakut në trup.

* Nëse venat tuaja merimangë shoqërohen me pamjaftueshmëri venoze, mund të jetë e nevojshme për të kufizuar ushqimet që ndikojnë negativisht në shëndetin kardiovaskular, si përshëmbull mishi i kuq.


6- Terapitë për venat merimangë
Kur bëhet fjalë për marrjen e trajtimit për këto lloj venash, është e rëndësishme të pranoni që jo të gjitha kompanitë e sigurimeve do të mbulojnë trajtimin për një çështje kozmetike. Megjithatë, kostoja është shpesh e përballueshme. Mund të bisedoni me specialistin tuaj të venave dhe të zbuloni se cila metodë e venave merimangë funksionon më mirë për ju.
7- Zgjidhni një herë e mirë problemin tuaj me skleroterapi.
Ky trajtim është më popullori dhe efektivi për venat merimangë, vetëm një seancë trajtimi me skleroterapi mund të pastrojë 70 deri në 80% të venave merimangë. Në një seancë skleroterapie, specialisti juaj i venave do të injektojë një substancë të veçantë që i ngushton dhe i tkurr venat merimangë për të bllokuar rrjedhjen e gjakut.
Kjo metodë është përgjithësisht e sigurt dhe nuk shkakton ndonjë dëmtim të indeve përreth. Pas seancës tuaj të parë e cila zakonisht zgjat rreth 15-30 minuta do të keni mundësi të ktheheni menjëherë në aktivitetet tuaja të jetës së përditshme.
Në klinikën Dermolife, do të gjeni kirurg të specializuar angiolog, i cili trajton në tërësi problemet me venat varikoze. Pas vizitës dhe realizimit të ekos, kirurgu përcakton edhe llojin e metodës që nevojitet në zgjidhjen e problemit të pacientit duke u siguruar që problemet me venat të mos rishfaqen më.