Lazeri Fraxel

Trajtimi me lazer Fraxel Fraksional CO2



Gjatë dekadave të fundit ndër aparaturat apo teknologjitë që janë promovuar dhe përdorur për trajtime të ndryshme dermo-estetike, mund të përmendim teknologjinë e trajtimit me Lazer Fraksional CO2, i cili ndihmon lëkurën në riprodhimin e kolagjenit si dhe nxit ristrukturimin deri në shtresat më të thella të saj pa patur nevojë për ndërhyrje invasive.


Lazeri fraksional CO2 përdoret për:
• Trajtimin e rrudhave në zonën anësore të syve
• Rigjenerimin e lëkurës së fytyrës, qafës, dekoltesë, duarve etj.
• Trajtimin e cikatriceve dhe shenjave nga aknet
• Trajtimin e lëkurës së dëmtuar nga dielli
• Reduktimin e poreve
• Korrigjimin e njollave të lëkurës
• Eleminimin e strijave

CILAT JANË PËRFITIMET E TRAJTIMIT ME FRAXEL?



o Lëkurë më e lëmuar dhe e freskët
o Teksturë e përmirësuar e lëkurës
o Eliminimi i njollave kafe të padëshiruara
o Pakësim i dukshëm i rrudhave rreth syve
o Përmirësim i shenjave të akneve dhe shenjave postkirurgjikale


SA SEANCA DO TË MË DUHEN DHE SA LARG NJËRA-TJETRËS APLIKOHEN?



Numri i seancave dhe koha në mes tyre varet nga patologjia e lëkurës suaj dhe aftësia e saj për tu rigjeneruar. Periudha kohore mes seancave është 2 deri në 4 javë. Rezultatet janë të menjëhershme dhe progresive, me përmirësim optimal dhe të dukshëm, zakonisht në 2-3 muajt e parë. Kjo periudhë kohore mundëson shërimin e plotë dhe prodhimin e kolagjenit të ri dhe elastinës për të zëvendësuar indet e dëmtuara.

Fraxel Co2



SI FUNKSIONON LAZERI?


Pas aplikimit të një kremi anestezik në zonën që do të trajtohet, lëkura skanohet dhe tufat e dritës emetuar nga lazeri, shfaqen në formë rrjete në lëkurë. Lazeri arrin të depërtojë në lëkurë në mënyrë selektive dhe në zona të paracaktuara, në një thellësi mbi 1 mm, e cila ka si funksion specifik të përforcojë efektin e CO2 gjatë trajtimit. Qëllimi është që të trajtohet lëkura e targetuar, duke ndikuar vetëm në 10 deri në maksimumi 20 % të saj (prandaj dhe quhet teknologji e fraksionuar). Nga kjo proçedurë lëkura përfitonj një rigjenerim/ ristrukturim të shpejtë, ndërkohë ruhen indet e shëndetshme të lëkurës përreth.


SI TË KUJDESEM PËR LËKURËN PAS TRAJTIMIT ME FRAXEL?


o Përdorni krem mbrojtës ndaj rrezeve të diellit me SPF 30 ose më shumë.
o Evitoni ekspozimin e gjatë në diell për të paktën 3 muaj pas trajtimit.

A KA EFEKTE ANËSORE?


Përdorimi i lazerit nga mjekë profesionistë dhe me eksperiencë bën që efektet pas trajtimit të jenë ato më normalet, si skuqje, krusta si dhe një enjtje e lehtë e lëkurës në zonat ku aplikohen rrezet.
Gjatë kësaj periudhe, lëkura mund të duket edhe paksa e errët, efekt ky i cili mund të mbulohet lehtësisht me produkte kozmetike. Për të shmangur efektet anësore, këshillohet të aplikohen vetëm produkte të rekomanduara nga mjekët dermatologë.

ÇFARË DUHET TË KENI PARASYSHE?


Duhet të informoni dermatologun në rastet kur:
• Vuani nga ndonjë sëmundje
• Jeni duke marrë ndonjë mjekim