Kujdesi post transplantit te flokeve ne Kliniken Dermolife

Cili jane benefitet e kanelles


Transplanti i flokëve është një procedurë gjithnjë e më popullore, me një shkallë të lartë suksesi që i krijon mundësi pacientëve të kenë flokët që gjithmonë kanë ëndërruar. Sidoqoftë, mund të habiteni kur të dëgjoni se kujdesi i mëpasshëm i transplantit të flokëve është po aq i rëndësishëm sa vetë operacioni kur bëhet fjalë për rezultatin përfundimtar.


Një nga arsyet pse Klinika Dermolife është ndër klinikat më të përzgjedhura për të kryer këtë procedurë, është pikërisht kujdesi me të cilin pacienti trajtohet pas mbjelljes së flokëve, deri në rikuperimin total të pacientit.


Përse është i rëndësishëm kujdesi pas operacionit të transplantimit të flokëve?

Pas transplantimit të flokëve, duhet të jeni jashtëzakonisht të kujdesshëm me lëkurën e kokës, për të minimizuar rrezikun e infeksionit, shenjave apo edhe ndërprerjen e rritjes së flokëve në të ardhmen. Kjo do të thotë se në ditët post procedurës, ka këshilla që duhet të ndiqni për t'u siguruar që po u jepni flokëve të sapo transplantuar mundësinë më të mirë për t’u rritur në mënyrë sa më efektive.

Kujdesi pas mbjelljes së flokëve

Pas procedurës, zakonisht rekomandohet të merrni 5– 7 ditë pushim, në varësi të profesionit dhe kushtet nën të cilat punoni. Ju gjithashtu duhet të siguroheni që, ndër masat e tjera paraprake post procedurës duhet të keni parasysh:

1- Ju duhet të flini me kokën në 2 ose 3 jastëkë për ditët e para pas procedurës.

2- Ju duhet të shmangni ushtrimet me presion të lartë fizik për javët e para.

3- Ju duhet rregullisht të lani graftet tuaja të reja sipas udhëzimeve të mjekut.


Pas transplantit të flokëve, Klinika Dermolife ofron një udhëzues të dobishëm për ju në javët e para pas procedurës. Gjithashtu ofrohet një kalendar i përditshëm pas mbjelljes së flokëve për t'ju këshilluar se si të kujdeseni për graftet tuaja të reja në 10 ditët e para, si dhe këshilla shumë të dobishme se si të kujdeseni për skalpin tuaj duke i ofruar edhe trajtimin me plasem dhe multivitamina të përfshirë në paketë në mënyrë që të stimulohet sa më shumë rigjenerimi i lëkurës, dalja e flokëve të reja dhe forcimi i rrënjës së flokut.

Ekipi mjekësor në klinikën Dermolife është i gatshëm të diskutojë dhe ti përgjigjet pacientit për cdo pyetje apo çdo shqetësim që mund të ketë pas transplantimit të flokëve.

Disa pacientë mund të shqetësohen kur flokët e rinj bien disa javë pas procedurës dhe shqetësohen se mos kjo ka të bëjë me kujdesin ndoshta jo të saktë post operator, por ky zakonisht është një proces normal dhe flokët do të rriten përsëri. Nevojiten mesatarisht rreth 3-4 muaj pas transplantimit të flokëve që ato të fillojnë të rriten, kështu që durimi nga ana e pacientit është thelbësor.